Skal ein tru vêrvarslarane er ikkje prognosane for vinterferien særleg gode. Men fortvil ikkje – dårleg skivêr er ypparleg museumsvêr, og på Nesasjøhuset har me ope kl. 9.00 til 15.00 på alle kvardagar.

Ungane kan boltra seg i Kvitebjørnen, barneutstillinga der ein kan bli med på ei eventyrleg ferd i kvitebjørnens rike, kle seg ut som riddar eller prinsesse og gå på fest i sjølvaste kongsgarden.

Me er alt eit godt stykke ut i februar, kveldane er lysare og vinterferien nærmar seg for mange.

Eit glimrande påskot for å arrangera årets andre internasjonale kafé, tenker me på Ryfylkemuseet, og inviterer alle som vil på Nesasjøhuset førstkommande torsdag.

Kva som skal pirra smakslaukane denne gongen er i skrivande stund framleis uvisst, utover at det blir spennande og velsmakande. Det blir også jobba med å skaffa god dansemusikk, ta gjerne med eigen!

Etter at det blei klart at Hjelmeland kommune ville følgje opp løyvingane til restaurering av Viga-tunet, har vi engasjert Ingebrikt Edland som ny prosjekthandverkar.

Restaureringsarbeida i Viga vil vera ei hovudoppgåve for bygningsavdelinga også i år, og nå har arbeidet med å førebu restaurering av løa starta. På det meste vil vi ha fem mann i arbeid i Viga, pluss noe innleigd arbeidskraft.  Målet er å ha løa under tak att før neste vinter. På bildet: Ingebrikt Edland, Kjell Gunnar Haraldseid og Arnfinn Olsen.